ഗ്രാമപ്പുഴയുടെയരികുകളിൽ
പൂത്തുലയും തരുശാഖകളിൽ
പാറിനടന്നൊരു പൂത്തുമ്പീ ,
മാറിൽ ചൂടിയ പൂ തരുമോ ?
മാരത്തീക്കതിരേറ്റു തിളയ്ക്കും
നരദാഹത്തിന്നെരിമലയിൽ
വെന്തുമരിക്കും പെണ്മണികൾ
കണ്ണിൽ ചൂടിയ പൊന്നു തരാം .
പൂർവികർ പുണ്യംതേകി വളർത്തിയ
പുഞ്ചപ്പാടവരമ്പുകളിൽ
ചിന്നൻതത്തകൾ ചുണ്ടിൽ തിരുകിയ
പൊൽക്കതിർ തരുമോ കണിവയ്ക്കാൻ ?
കാലക്കടലിൻ തിരയേറ്റത്തിൽ
കരളിലൊളിച്ചൊരു നീർത്തുള്ളി
തരളക്കനവിൻ മൃതയാമത്തിൽ
നീറിയുറഞ്ഞൊരു മുത്തു തരാം .
പഴയകാലത്തിലേക്കു മനസ്സിനെ കൂട്ടിക്കൊണ്ടു പോകുന്നു...
ReplyDeleteമനോഹരമായിരിക്കുന്നു
പൂര്‍വികരുടെ പുണ്യമായ പുഞ്ചപ്പാടവും,നെല്‍ക്കതിര്‍ കൊത്തിയെടുത്തു പറന്നു അടുത്തുള്ള ആല്‍മരകൊമ്പ്ലിരുന്നു കലപില കൂട്ടുന്ന തത്തമ്മകൂട്ടങ്ങളും ഇന്നെവിടെയും കാണാനില്ല !