മഹാസമുദ്രമേ !
നീ
സുന്ദരികളില്‍ അതിസുന്ദരി തന്നെ.
നിന്‍റെ മലരികളും ചുഴലികളും
നിന്‍റെ അടിയൊഴുക്കുകളും
ഒടുവില്‍... നിന്‍റെ സുനാമികളും
കാത്തിരുന്നതാര്‍ക്കു വേണ്ടി ?
താപനിലയുടെ ഗ്രാഫ്
ഉയര്‍ന്നുയര്‍ന്ന്‍,
ധ്രുവങ്ങളോളമെത്തിയ
എന്‍റെ
എന്‍റെ
ഉഷ്ണ നിശ്വാസങ്ങളെ
ആവാഹിച്ചെടുപ്പതിനോ ?
മഹാസമുദ്രമേ !
ഇപ്പോള്‍ നീ ശാന്തമായുറങ്ങുന്ന
ഒരൊട്ടകപ്പെണ്ണു തന്നെ .
എന്‍റെ
എന്‍റെ
അഗ്നിജ്വാലകളെ
ഊതിക്കെടുത്തി
നീയെന്നെ
നെഞ്ചോടു ചേര്‍ത്തണയ്ക്കുന്നു .
ഇപ്പോള്‍ നീയെനിക്കാരാണ് ?
അഭയരക്ഷയേകുന്ന
അമ്മയോ?
രക്ഷാബന്ധമേകുന്ന
ദേവീരൂപമോ ?
