തൊഴിലെടുത്തു ജീവിക്കുന്ന പെണ്ണുങ്ങള്‍

ഭൂട്ടാനിലും ഡാര്‍ജിലിംഗിലും മാത്രമല്ല തൊഴിലെടുക്കുന്ന പെണ്ണിന് ലോകത്തെവിടെയും ആത്മാഭിമാനത്തോടെ  ജീവിക്കാം

  ഇവള്‍ മധ്യവയസ്‌കയായ  പേമ .  പച്ചക്കറിച്ചാക്ക്  മുതുകിലേറ്റാനാവാതെ വിഷമിക്കുകയായിരുന്നു ആ പാവം സ്ത്രീ. കൂടെ അവരുടെ മൂന്നോ നാലോ വയസ്സുള്ള കുട്ടിയുമുണ്ട്.   ഭാരമുയര്‍ത്താന്‍  ഞങ്ങളവരെ സഹായിച്ചു.  മുതുകിലെ ഭാരത്തിനൊപ്പം  കുടുംബഭാരവുമായി അവര്‍ മുന്നോട്ടു നടന്നു. ഞങ്ങള്‍ അവരുടെ   ഫോട്ടോ എടുക്കുന്നതു കണ്ട് നാണത്തോടെ തലകുടഞ്ഞ് മുഖം തിരിച്ചു.

മറ്റൊരുവള്‍  ചെറുപ്പക്കാരിയായ ദവ.  ഭൂട്ടാന്‍റെ  തനത് ഉത്പന്നമായ ചുവന്നരിക്കൊപ്പം  പ്രൊവിഷന്‍ സാധനങ്ങളും  പഴങ്ങളും വില്‍ക്കുന്ന ഒരു കട നടത്തുന്നു. പ്രസന്നവദനയായ അവളുടെ   തൊഴിലിലുള്ള ശുഷ്‌കാന്തി ഏവരെയും ആകര്‍ഷിക്കുന്നതായിരുന്നു .

ഡാര്‍ജിലിംഗ് തെരുവില്‍ കൊടും തണുപ്പത്ത്  കമ്പിളി വസ്ത്രങ്ങള്‍ വില്‍ക്കുന്ന പിങ്കിക്ക് മ്ലാനമായ മുഖമാണ്. പ്രതീക്ഷിക്കുന്നപോലെ കച്ചവടം നടക്കുന്നില്ല . എങ്കിലും അവള്‍ക്കു തൊഴില്‍ ഉപേക്ഷിക്കാനാവില്ലല്ലോ .

അധ്വാനിക്കുന്ന സ്ത്രീകളുടെ പ്രതിനിധികളായി ഇവരെ
ഈ വനിതാദിനത്തില്‍ ഞാന്‍ എന്‍റെ കൂട്ടുകാര്‍ക്ക് പരിചയപ്പെടുത്തുന്നു .