സുരഗീതംപാടിച്ചിലമ്പിച്ചിരിക്കുന്ന
പെരിയാറേ നിന്നുള്ളം കേഴുകയോ?
മുല്ലപ്പെണ്ണുമായുള്ള നിന്‍ ബാന്ധവ-
മൊരുനാളും തീരാത്ത ദുഃഖമായോ?
ജീവജലം നല്‍കിപ്പോറ്റുന്ന നാടിന്‍റെ
മക്കളോയിന്നു രിപുക്കളെപ്പോല്‍
പോരാടുന്നന്ധമായ്, ന്യായച്ചരടിന്മേല്‍
പാവക്കൂത്താടും ഭരണവര്‍ഗ്ഗം.
നന്മകള്‍ ചെയ്യുവോര്‍ക്കാതങ്കമേറ്റിടും
ന്യായങ്ങളെന്തിതോ നാട്ടുനീതി ?
ഏറുന്നഭാരത്താല്‍ വിള്ളല്‍വീണുള്ളകം
പൊട്ടുമാറായെന്നോ കേഴുന്നു നീ ?
അറിയേണ്ടോരെങ്ങുനിന്‍ വാര്‍ധക്യദീനങ്ങ-
ളറിയാത്തോര്‍ ജല്‍പ്പനം ചെയ്തിടുന്നു!
രൌദ്രമാം പ്രളയത്തിന്‍ സംഹാരഭീതിയാ -
ലെത്രപേര്‍ പ്രാണന്‍ പിടഞ്ഞിരിപ്പൂ.
മുല്ലപ്പെരിയാറേ, കേള്‍ക്കുകി പ്രാര്‍ത്ഥന-
യുള്ളം നടുങ്ങി നീ പൊട്ടരുതേ,
പാവങ്ങള്‍ ഞങ്ങളെയറബിക്കടലിന്‍റെ
മാറത്തു കൊണ്ടു നീ തള്ളരുതേ,
കട്ടുമുടിക്കുന്നോരധികാരിവര്‍ഗ്ഗത്തെ-
ക്കോട്ടങ്ങളില്ലാതെ കാത്തീടണേ.
(മുല്ലപ്പെരിയാര്‍ സമരവുമായി ബന്ധപ്പെട്ട്
ഒരുവര്‍ഷം മുമ്പെഴുതിയ കവിത )
പൊട്ടുമാറായെന്നോ കേഴുന്നു നീ ?
അറിയേണ്ടോരെങ്ങുനിന്‍ വാര്‍ധക്യദീനങ്ങ-
ളറിയാത്തോര്‍ ജല്‍പ്പനം ചെയ്തിടുന്നു!
രൌദ്രമാം പ്രളയത്തിന്‍ സംഹാരഭീതിയാ -
ലെത്രപേര്‍ പ്രാണന്‍ പിടഞ്ഞിരിപ്പൂ.
മുല്ലപ്പെരിയാറേ, കേള്‍ക്കുകി പ്രാര്‍ത്ഥന-
യുള്ളം നടുങ്ങി നീ പൊട്ടരുതേ,
പാവങ്ങള്‍ ഞങ്ങളെയറബിക്കടലിന്‍റെ
മാറത്തു കൊണ്ടു നീ തള്ളരുതേ,
കട്ടുമുടിക്കുന്നോരധികാരിവര്‍ഗ്ഗത്തെ-
ക്കോട്ടങ്ങളില്ലാതെ കാത്തീടണേ.
(മുല്ലപ്പെരിയാര്‍ സമരവുമായി ബന്ധപ്പെട്ട്
ഒരുവര്‍ഷം മുമ്പെഴുതിയ കവിത )
No comments:
Post a Comment