ആതിരപ്പള്ളി സന്ദര്‍ശിക്കുന്നവര്‍ സമയമുണ്ടെങ്കില്‍ തുംപൂര്‍മൂഴി -ചാലക്കുടി വഴി ഒന്ന് പോയിനോക്കൂ.
വര്‍ണ്ണച്ചിറക് വീശിപ്പറക്കുന്ന ചിത്രശലഭങ്ങളും പുഞ്ചിരി പൊഴിക്കുന്ന പൂക്കളും കണ്ണിന് വിരുന്നൊരുക്കി കാത്തുനില്‍പ്പുണ്ട്‌ തുംപൂര്‍മൂഴിയിലെ ബട്ടര്‍ഫ്ലൈ പാര്‍ക്കില്‍.
പാര്‍ക്കിനപ്പുറം ഒരു തൂക്കുപാലം.
ചാലക്കുടിപ്പുഴയ്ക്ക് കുറുകെ 141 മീറ്റര്‍ നീളവും 1.2 മീറ്റര്‍ വീതിയുമുള്ള തൈക്കൂട്ടം കടവ് തൂക്കുപാലം. ഒന്നു കയറിനോക്കൂ. തൂക്കുപാലമല്ലേ , ചെറിയ ആട്ടമുണ്ടാവും .
പേടി തോന്നുന്നുണ്ടോ? എങ്കില്‍ താഴേക്ക് നോക്കാതെ നടന്നോളൂ .
തൃശ്ശൂര്‍ ജില്ലയിലെ ചാലക്കുടിക്കടുത്ത് കാടുകുറ്റി പഞ്ചായത്തിലെ വൈന്തല, കല്ലൂര്‍ പ്രദേശത്തുനിന്ന്‍ അന്നനാട്, കാടുകുറ്റി പ്രദേശത്തേക്കുള്ള നടപ്പാലമാണിത്.
പാലത്തിനിപ്പുറം തൃശ്ശൂര്‍ ജില്ലയും അപ്പുറം എറണാകുളം ജില്ലയുമാണ്‌ . കേരള സര്‍ക്കാര്‍ സ്ഥാപനമായ ഇലക്ട്രിക്കല്‍ അലൈഡ് ആന്‍ഡ് എഞ്ചിനീയറിംഗ് കമ്പനിയാണ് ഈ തൂക്കുപാലത്തിന്‍റെ രൂപകല്‍പ്പനയും നിര്‍മ്മാണവും നിര്‍വ്വഹിച്ചിരിക്കുന്നത്.
വാഹന ഗതാഗതം പൂര്‍ണ്ണമായും നിരോധിച്ചിരിക്കുന്നു. പാലത്തിലൂടെ ഒരേസമയം മുപ്പതിലധികം പേര്‍ സഞ്ചരിക്കുന്നതും നിരോധിച്ചിട്ടുണ്ട് .
No comments:
Post a Comment