ഇത് ഡാര്‍ജിലിംഗിലെ DUNGGON SAMTEN CHOLING
BUDDHIST MONASTERY- ലേക്കുള്ള
പ്രവേശന കവാടം. അതിരാവിലെ കൊടും തണുപ്പിനെ അവഗണിച്ച് Monastery കാണാനെത്തിയ ഞങ്ങളെ എതിരേറ്റത് ഒരുകൂട്ടം തെരുവുകച്ചവടക്കാരാണ്.
കമ്പിളിയുടുപ്പുകള്‍, സ്വറ്ററുകള്‍, ഷാളുകള്‍, തൊപ്പികള്‍ തുടങ്ങി പലതരത്തിലുള്ള തുണിത്തരങ്ങള്‍ വഴിയരികില്‍ നിരത്തി ടൂറിസ്റ്റുകളെ കാത്തിരിക്കയാണവര്‍.
Monastery കവാടം
തുറക്കുന്നതുവരെ ഞങ്ങള്‍ കച്ചവടക്കാരുടെ ചുറ്റും കൂടി. ചിലരൊക്കെ ഓരോന്ന് വിലപേശി
വാങ്ങി.
റോഡിന് സമാന്തരമായി
നീണ്ടുകിടക്കുന്ന റയില്‍പാളത്തിലാണ് കച്ചവടക്കാര്‍ സ്ഥാനംപിടിച്ചിരിക്കുന്നത്.
ഒറ്റബോഗിയുള്ള തീവണ്ടികള്‍ സര്‍വീസ്
നടത്തുന്നത് ഈ പാളങ്ങളിലൂടെയാണ്.
ട്രെയിന്‍ വരുമ്പോള്‍ ഇവരെന്തു ചെയ്യും?
എന്‍റെ
ചോദ്യത്തിന് മറുപടി തന്നത് അന്നാട്ടുകാരനായ ഡ്രൈവറായിരുന്നു. ഒന്‍പതുമണി മുതലേ
ട്രെയിന്‍സര്‍വീസുള്ളൂ. അപ്പോഴേക്കും ഇവരെല്ലാം സ്ഥലം കാലിയാക്കും.
മൊണാസ്ട്രി കണ്ടു തിരിച്ചുവന്നപ്പോഴും ഞങ്ങളില്‍ ചിലര്‍ ചിലതൊക്കെ
വാങ്ങി. പ്രതീക്ഷിച്ചതുപോലെ കച്ചവടം നടക്കാത്തതിന്‍റെ നിരാശയാണോ അവരുടെ മുഖങ്ങളില്‍നിന്ന്
ചിരി മാച്ചുകളഞ്ഞത്?
